لاہور: پنجاب کی وزیرِ اطلاعات عظمیٰ بخاری نے اپوزیشن لیڈر معین ریاض قریشی کے خلاف ہتکِ عزت کا مقدمہ جیت لیا۔ لاہور ڈیفیمیشن ٹربیونل نے منگل کے روز 8 کروڑ 40 لاکھ روپے ہرجانے کے دعوے میں ان کے حق میں فیصلہ سنایا۔

عظمیٰ بخاری نے یہ مقدمہ ایک ٹی وی پروگرام کے دوران ان کے خلاف لگائے گئے الزامات پر دائر کیا تھا۔ یہ الزامات خیبرپختونخوا کے وزیراعلیٰ کے پنجاب اسمبلی کے دورے سے متعلق تھے۔فیصلے کے بعد عظمیٰ بخاری کے وکیل علی بخاری نے میڈیا سے گفتگو کرتے ہوئے کہا کہ اپوزیشن لیڈر اپنے الزامات کو عدالتی کارروائی کے دوران ثابت کرنے میں ناکام رہے۔